Olimpiya oyunlarının üçqat mükafatçısı, dünya çempionu, birinci Avropa Oyunlarının çempionu, Azərbaycanın qadınlardan ibarət milli güləş komandasının lideri Mariya Stadnik daha bir qəhrəmanlıq nümunəsi göstərərək Avropa çempionatlarında səkkizinci dəfə fəxri kürsünün zirvəsinə yüksəlmişdir.

Rusiya Federasiyasının Kaspiysk şəhərində keçirilən çempionatda Stadnik bütün rəqibləri, o cümlədən finalda rumıniyalı Emilia Vuk üzərində tam üstünlüklə, vaxtından əvvəl qələbə qazanmışdır. Avropa çempionatlarında səkkizinci qızıl medal Azərbaycan güləşçisinin parlaq idman həyatında növbəti böyük uğurdur.

Afərin, Mariya!

Oqtay BAYRAMOV,

“Xalq qəzeti”