Azərbaycan xalqının ümummilli lideri Heydər Əliyevin anadan olmasının 95-ci ildönümünə həsr edilmiş “Naxçıvan Open–2018” Beynəlxalq Şahmat Festivalının “A” turnirinin birinci turunda 21 iştirakçı qələbələrinin hesabını açmışdır.

Start görüşlərinin qaliblərindən azərbaycanlı qrossmeysterlər Eltac Səfərli, Qədir Hüseynov, Nicat Məmmədov, belaruslu Aleksey Aleksandrov, İsrail təmsilçisi İlya Smirin, ukraynalı Vitali Bernadski, hollandiyalı Sergey Tivyakov, Almaniyadan İqor Xenkin, İspaniya təmsilçisi Oleq Korneyev və başqalarını qeyd etmək olar.

Azərbaycanın gənc şahmatçısı Nail Bəşirlinin turnirin ən yüksək reytinqli iştirakçısı ukraynalı Anton Korobovla heç-heçə oynaması da maraqlı nəticədir.

Oqtay BAYRAMOV,
“Xalq qəzeti”