Beynəlxalq Şahmat Federasiyası (FİDE) 2018-ci  il  mayın 1-nə  olan  vəziyyətə  görə  reytinq cədvəlini  dərc  etdirmişdir.  Azərbaycan  şahmatının  lideri Şəhriyar  Məmmədyarov aprel  reytinqi ilə  müqayisədə bir  pillə  geriləyib 2808 əmsalla üçüncü mövqeyə  düşmüşdür.

Milli  komandamızın  digər  üzvlərindən  Teymur  Rəcəbov (2751) 16-cı,  Rauf  Məmmədov (2708) 33-cü, Arkadi Naydiç (2697) 46-cı, Eltac  Səfərli (2657) 92-ci, Qədir Hüseynov (2654) 100-cü pillələrdə  yer  almışlar.

Siyahıya əvvəlkitək norveçli dünya  çempionu  Maqnus  Karlsen (2843)  başçılıq  edir. İkinci  yerdə  isə iddiaçıların turnirinin qalibi Fabiano Karuanadır (ABŞ, 2818).

“Xalq qəzeti”