UEFA Çempionlar Liqasının yarımfinal mərhələsində “Liverpul”a 2:5 hesabı ilə məğlub olan paytaxt klubu “Roma” cavab qarşılaşmasında bu məğlubiyyətin əvəzini çıxmağa çalışacaq. Bu sözləri “Roma” klubunun baş məşqçisi Eusebio Di Françesko ANSA informasiya agentliyinə açıqlamasında deyib.

Məşqçi deyib ki, hər şeyin mümkünlüyünə böyük ümidlər bəsləyirik.

Qeyd edək ki, “Barselona”ya səfərdə 1:4 hesabı ilə məğlub olan Di Françeskonun yetirmələri turnirin favoritlərindən hesab edilən “Barselona”nın qapısından 3 cavabsız top keçirərək adlarını yarımfinala yazdırıblar.

“Gələn həftə paytaxt Romada baş tutacaq cavab qarşılaşmasında “Roma” “Liverpul” ilə görüşdə azarkeşlərinə buna bənzər daha bir sürpriz etməyə çalışacaq”,-deyə Eusebio Di Françesko qeyd edib.

Elçin ABBASOV,
“Xalq qəzeti”