Azərbaycanda  “Formula-1” yarışları yenidir. Bununla belə, F 1 fanatları üçün  ildən ilə  bu yarış daha da maraqlı olur. Bu barədə İndoneziyanın bolasport.com saytının əməkdaşı Arif Kurniavan 2018  “Formula 1” Azərbaycan Qran-prisi haqda danışarkən “Xalq qəzeti”nə deyib. Onun sözlərinə görə, yaxşı təşkil edilmiş yarış sürət həvəskarları üçün həm də boş zamanlarda Bakı ilə tanış olmaq, əylənmək imkanları da verir. O, bu idman yarışlarına Bakının ev sahibliyi etməsini yüksək qiymətləndirib: “Azərbaycan Prezidenti İlham Əliyev  açıq fikirli şəxsdir. Belə olmasaydı, bu cür böyük idman yarışını belə yüksək səviyyədə keçirmək olmazdı. Azərbaycan həm də bu cür yarışlara ev sahiblyii etməklə,  gələcəyini düşünür.  2018 “Formula-1” Azərbaycan Qran-prisi yarışı kimi idman yarışları turistlərə ölkəni tanıdır. İnsanlar həm də ölkənin mədəniyyəti, adətləri, Bakı haqda məlumat alırlar.  Bir sözlə, Azərbaycan şanslıdır ki, onun Bakıda yüksək səviyyədə beynəlxalq idman yarışlarının keçirilməsinə önəm verən   güclü və açıq fikirli prezidenti var.”—deyə o, əlavə edib.

Əfsanə BAYRAMQIZI,
“Xalq qəzeti”