Aprelin 30-dan mayın 6-dək Rusiya Federasiyasının Kaspiysk şəhərində keçiriləcək Avropa çempionatında Azərbaycan güləşin hər üç növündə geniş heyətlə təmsil olunacaq.

Bir həftə davam edəcək çempionatda medallar uğrunda mübarizəyə birinci olaraq yunan-Roma üsulu ilə güləşənlər başlayacaqlar. Onların turnirinə aprelın 30-da start veriləcək.

Sonra xalça üzərinə qadın güləşçilər dəvət olunacaqlar (2-4 may). Avropa çempionatına mayın 4-6-da sərbəst üsulla güləşənlərin turniri ilə yekun vurulacaq.

Azərbaycan güləşçiləri çətin sınaqlara səylə hazırlaşmışlar və ümid etmək olar ki, çempionatdan maksimum fayda götürməyə çalışacaqlar.

Oqtay BAYRAMOV,
“Xalq qəzeti”