Vüqar Həşimovun xatirəsinə həsr  edilmiş “Şəmkir – 2018” beynəlxalq şahmat turnirində bir günlük istirahətdən sonra bu gün 6-cı turun görüşləri keçiriləcəkdir.

Bu  turda azərbaycanlı qrossmeysterlər Teymur Rəcəbov polyak Radislav Voytaşeklə,  Rauf Məmmədov bolqarıstanlı Veselin  Topalovla, Şəhriyar Məmmədyarov çinli Din Lijenlə qarşılaşacaqlar, həmçinin Sergey Karyakin (Rusiya) – Maqnus  Karlsen (Norveç) və Aniş  Giri (Hollandiya) –  David Navara  (Çexiya) görüşləri keçiriləcək.

Beş  turdan sonra lider Topalovun  3,5  xalı  var. Karlsen 3, Rəcəbov, Məmmədov, Giri, Lijen, Karyakin 2,5, Məmmədyarov, Navara və Voytaşek 2  xal toplamışlar.

“Xalq qəzeti”