Azərbaycan boksçuları  İtaliyada keçirilən gənclər  arasında Avropa  birinciliyinin startında rəqiblərindən  üstün  hazırlıq  nümayiş  etdirmişlər.

Yarışın ilk iki günündə rinqə  çıxan Nəbi  İsgəndərov (56 kq) Macarıstan təmsilçisinə, Məhəmməd Yusifov (75 kq)  Litva idmançısına, Nurlan Səfərov (60 kq) Bolqarıstan boksçusuna,  Zaur Musayev (81 kq) polşalı rəqibinə,  İsmayıl Yaqubov (91 kq) isə almaniyalı  rinq  ustasına  qalib gəlib növbəti mərhələyə çıxmışlar.

Azərbaycan  Avropa  çempionatında 11 nəfərlə  təmsil olunur. Bu   turnirdə uğurlu  nəticələr  bir  də  ona görə vacibdir ki, Avropa  çempionatı  payızda  Argentinanın  paytaxtı  Buenos-Ayresdə  keçiriləcək Yeniyetmələrin III Olimpiya Oyunlarına lisenziya  xarakteri  daşıyır.

“Xalq qəzeti”