Bu gün Şəmkirdə məşhur azərbaycanlı qrossmeyster Vüqar Həşimovun xatirəsinə həsr edilmiş 5-ci beynəlxalq şahmat turnirində birinci turun görüşləri oynanılacaq.

Püşk nəticəsində əvvəlki dörd turnirdə hərəsi iki dəfə baş mükafatı qazanmış norveçli dünya çempionu Maqnus Karlsen və azərbaycanlı qrossmesyter Şəhriyar Məmmədyarov artıq start turunda üz-üzə gələcəklər.

Birinci turda turnir sahiblərinin digər nümayəndələri Teymur Rəcəbov və Rauf Məmmədov müvafiq surətdə bolqarıstanlı Veselin Topalov və çexiyalı David Navaraya qarşı oynayacaqlar, həmçinin Aniş Giri (Hollandiya)–Sergey Karyakin (Rusiya), Radoslav Voytaşek (Polşa)–Din Lijen (Çin) görüşləri keçiriləcəkdir.

“Xalq qəzeti”