Bu gün Bakı İdman Sarayında “Judo Club–2012” İctimai Birliyinin təşəbbüsü ilə keçirilən 2016-cı il Aprel döyüşləri zamanı qəhrəmancasına şəhid olmuş polkovnik-leytenant Raquf Orucovun və digər hərbiçilərimizin xatirəsinə həsr edilmiş beynəlxalq cüdo turnirinə start veriləcəkdir.

Azərbaycan Gənclər və İdman Nazirliyinin, Milli Cüdo Federasiyasının dəstəyi ilə təşkil edilən xatirə turnirinin mükafatları uğrunda 21 yaşadək oğlan və qızlardan ibarət komandalar–Bakı şəhəri və bölgələrdən 16 komanda, habelə Türkiyə, Rusiya, Qazaxıstan və Gürcüstan təmsilçiləri mübarizə aparırlar.

Turnirin final görüşləri saat 19-da başlanacaq.

Yarışın keçirilməsindən məqsəd gənclərə vətənpərvərlik hissi və döyüş ruhu aşılamaq, onların Vətənin müdafiəsinə hazırlıq səviyyəsini yüksəltmək, həmçinin idmançılar arasında dostluq və yoldaşlıq əlaqələrini möhkəmləndirməkdir.

“Xalq qəzeti”