Birləşmiş Ərəb Əmirliklərinin Sərcah şəhərində keçirilən beynəlxalq şahmat turnirinin finişinə bir tur qalmış azərbaycanlı qrossmeyster Eltac Səfərli 6,5 xalla turnir cədvəlində ikinci mövqedədir, digər təmsilçimiz 6 xal toplamış Arkadi Naydiç isə altıncı yeri tutur.

Səkkizinci turda Səfərli 7 xala malik iranlı lider Parham Maqsudlu ilə heç-heçəyə razılaşmış, Naydiç də öz növbəsində Oliver Dimakilinqə (Filippin) qalib gəlmişdir.

Bu gün keçiriləcək sonuncu, doqquzuncu turda Səfərli çinli Van Hao ilə görüşəcək, Naydiç isə argentinalı Sandro Marekoya qarşı oynayacaq.

“Xalq qəzeti”