Azərbaycan şahmatçısı Günay Məmmədzadə Slovakiyanın Visokiye tatrı şəhərində keçirilən qadınlar arasında şəxsi Avropa çempionatında üçüncü qələbəsini qazanmışdır. Bu dəfə qrossmeysterimiz gürcüstanlı Bela Kotenaşvili ilə görüşmüş və 82-ci gedişdə gərgin mübarizənin taleyini öz xeyrinə həll etmişdir.

Beş turdan sonra daha bir neçə şahmatçı kimi 4 xal toplamış Məmmədzadə 4,5 xalla turnir cədvəlinə başçılıq edən rusiyalı Valentina Qunina və Ukrayna təmsilçisi Anna Uşeninadan yarım xal geri qalır.

Turnirdə iştirak edən digər Azərbaycan şahmatçıları arasında daha yaxşı nəticə göstərən Ülviyyə Fətəliyeva beşinci turda Olqa Prudnikovanı (Ukrayna) məğlubiyyətə uğradaraq xal ehtiyatını 3-ə çatdırmışdır.

O. BAYRAMOV,
“Xalq qəzeti”