UEFA Avropa Liqası turnirində dörddəbir final mərhələsinin cavab görüşləri keçirilmiş və bütün  yarımfinalçılar məlum olmuşdur.

Finalın astanasında mübarizəni davam etdirmək hüququnu  Çempionlar Liqasının qrup mərhələsində “Qarabağ”la  iki  dəfə  heç-heçə oynamış İspaniyanın “Atletiko”  (Madrid),  habelə İngiltərənin “Arsenal”, Fransanın “Marsel”  və  Avstriyanın “Zalsburq” komandaları qazanmışlar.

Dörddəbir finalda iki oyunun yekununda  ispanlar  Portuqaliyanın “Sportinq” komandasına  qalib gəlmiş (2:0, 0:1), ingilislər  Rusiyanın  ÇSKA (Moskva) klubundan üstün olmuş (4:1, 2:2),  fransızlar  Almaniyanın  “Leypsiq” komandası  üzərində qələbə  qazanmış (0:1, 5:2), avstraliyalılar isə  İtaliyanın “Latsio” klubundan  güclü olmuşlar (2:4, 4:1).

Yarımfinal görüşləri  aprelin 26-da  və mayın 3-də  keçiriləcəkdir.

“Xalq qəzeti”