Sentyabrın 14-16-da Rumıniyada keçiriləcək basketbol 3x3 üzrə Avropa çempionatına lisenziyalar uğrunda  34 ölkə komandaları mübarizə aparacaqlar.

Bu barədə azerisport-un yaydığı  xəbərdə bildirilir ki, kişilərdən ibarət komanadaların təsnifat turniri iyunun 30-dan iyulun 1-dək Rumıniyada keçiriləcək. Bu turnirdə Azərbaycan basketbolçuları Serbiya, Polşa, Rumıniya, Xorvatiya, Almaniya, İspaniya, Bosniya və Herseqovina, Litva, Gürcüstan, İsveç və İrlandiya komandaları ilə  bir  qrupda  çıxış  edəcəklər. Ən yaxşı dörd komanda növbəti mərhələyə vəsiqə qazanacaq.

Qadın basketbolçuların təsnifat turniri isə iyunun 23-24-də Andorrada təşkil olunacaq. Bu yarışda da  növbəti mərhələyə dörd komanda  çıxacaq. Turnirdə Azərbaycan, Macarıstan, İtaliya, Andorra, İspaniya, Latviya, Estoniya, Serbiya və Yunanıstan komandaları iştirak edəcəklər.

O.BAYRAMOV,
“Xalq qəzeti”