Tezliklə ABŞ-da keçiriləcək sərbəst güləş üzrə Dünya Kuboku turniri, demək olar,  artıq starta hazırdır. Kubok uğrunda  iki qrupa  bölünmüş səkkiz komanda  mübarizə  aparacaq.

Azərbaycan güləşçiləri Kuba, Qazaxıstan və Monqolustan idmançıları  ilə birlikdə “B” qrupuna daxildirlər. “A” qrupunda  isə ABŞ, Gürcüstan, Yaponiya və Hindistan yığmaları çıxış edəcəklər.

Millimiz ilk görüşü aprelin 7-də Kuba komandasına qarşı keçirəcək,  həmin gün ikinci tur şərçivəsində  Qazaxıstan yığması ilə görüşəcək, aprelin 8-də isə Monqolustanla  matç olacaq.

Qrupların qalibləri finalda  öz aralarında  keçirəcəkləri görüşdə Dünya Kubokunun sahibini müəyyənləşdirəcəklər.

O.BAYRAMOV,
“Xalq qəzeti”