Aprelin 4-dən 11-dək Bakıda Birinci Türk Universitetləri İdman Oyunları (Türk Universiadası) keçiriləcək.

Azərbaycan Futbol Federasiyaları Assosiasiyası (AFFA) mətbuat xidmətinin  bu barədə yaydığı xəbərdə bildirilir ki, Universiadanın proqramına daxil edilən idman oyunları arasında futzal da var. Turnirdə qələbə uğrunda Azərbaycan, Türkiyə, Qazaxıstan və Qırğızıstan komandaları mübarizə aparacaqlar. Oyunlar aprelin 6, 7 və 9-da Azərbaycan Texniki Universitetinin idman zalında keçiriləcək.

Yarışı qələbə ilə başa vurmaq əzmində olan Azərbaycan komandası bu günlər Bakı İdman Sarayında qarşıdakı görüşlərə səylə hazırlaşır.

O.BAYRAMOV,
“Xalq qəzeti”