Yuxarı sinif şagirdləri üçün “Ölkəmizi tanıyaq” devizi ilə keçirilən maarifləndirici tur-aksiya iştirakçıları martın 17-də Şəmkir rayonunda olublar.

Məktəbliləri Heydər Əliyev Mərkəzinin qarşısında rayon icra hakimiyyəti başçısının birinci müavini Qüdrət Əliyev qarşılayıb. O, Şəmkir rayonu haqqında ətraflı məlumat verdikdən sonra tur-aksiya iştirakçıları Heydər Əliyev Mərkəzinə gəlmişlər. Şagirdlər burada Ulu Öndərin zəngin irsini əks etdirən fotoşəkillərə, Ümummilli Liderə həsr olunan kitablara baxmış, onun müxtəlif vəzifələrdə olduğu dövrlərdəki iş kabinetlərinin və iş otaqlarının bənzərləri ilə yaxından tanış olmuşlar. Bayraq meydanı da  tur-aksiya iştirakçılarında böyük maraq oyadıb.

“Zəka” Gənclərin İntellektual İnkişaf və Yaradıcılıq Mərkəzi, vaxtilə alman koloniyaçıları tərəfindən inşa olunan lüteran kilsəsi ilə tanışlıq da məktəblilərin Şəmkir haqqında aldıqları xoş  təssüratlarlar sırasındadır.

Hamlet Qasımov,
“Xalq qəzeti”nin bölgə müxbiri