Qarabağ Fondu Vaşinqtonun (ABŞ) tarixi Avalon teatrında görkəmli türk rejissoru Cem Oğuzun "Qaçqın Anar Yusubovun uzun səyahəti" filminin təqdimatını keçirmişdir.
Qarabağ Fondundan bildirmişlər ki, filmdə ata-baba yurduna qayıda bilməyən 8 yaşlı Anar öz qaçqın hekayəsini tamaşaçılarla bölüşür. Bu ekran əsərində ABŞ ictimaiyyətinə Ermənistan-Azərbaycan, Dağlıq Qarabağ münaqişəsi, Dağlıq Qarabağdan olan qaçqın və məcburi köçkünlərin mübarizəsi, Azərbaycan və Cənubi Qafqaz haqqında bəhs edilir.
Təqdimatdan əvvəl Xocalı qurbanlarının xatirəsi bir dəqiqəlik sükutla yad edilmiş, C.Oğuz film üzərində işləyərkən keçirdiyi hisslərdən danışmışdır.
Tədbirdə ABŞ-da yaşayan Azərbaycan diasporunun nümayəndələri, burada təhsil alan tələbələr, siyasi-ictimai xadimlər, kinoşünaslar iştirak etmişlər.

AzərTAc