Respublika daxili işlər orqanlarının orta rəis heyəti vəzifələrində xidmətə qəbul üzrə müsabiqə keçirilir.
Daxili İşlər Nazirliyi bununla əlaqədar müsabiqə iştirakçılarının nəzərinə çatdırır ki, onlar bu il martın 2-də nazirlikdən (Bakı şəhəri, Azərbaycan prospekti, 7), "Namizədin buraxılış vərəqəsi"ni və "Test imtahanı sualları" toplusunu almalıdırlar.
Xidmətə qəbul üzrə test imtahanları Tələbə Qəbulu üzrə Dövlət Komissiyası tərəfindən martın 12-də Azərbaycan Texniki Universitetinin 5-ci korpusunda (Bakı şəhəri, H.Cavid prospekti, 25) həyata keçiriləcəkdir. Namizədlər imtahan günü saat 9.00-da "Namizədin buraxılış vərəqəsi" və şəxsiyyətlərini təsdiq edən sənədlə birlikdə göstərilən ünvanda olmalıdırlar.
Əlavə məlumat almaq istəyənlər (012) 590-92-54 və 590-95-23 nömrəli telefonlarla nazirliyin Baş Kadrlar İdarəsinə zəng edə bilərlər.{nl}

AzərTAc