8 Mart Beynəlxalq Qadınlar bayramı münasibəti ilə Ağstafanın Aşağı Kəsəmən kənd sakini, Sosialist Əməyi Qəhrəmanı, 95 yaşlı Yasəmən Niftalı qızı Məmmədovanın evində keçirilən görüş ona çox xoş təsir bağışlamış və kövrəltmişdir. İcra hakimiyyəti başçısının hüquq mühafizə orqanlarının rəhbərləri ilə birgə Yasəmən nənəni yad etməsi, çay süfrəsi ətrafında səmimi söhbəti təkcə onun yox, bütün ailə üzvlərinin sevincinə səbəb olmuşdur. Yasəmən Məmmədova üzünü icra hakimiyyətinin başçısı Məhərrəm Quliyevə tutaraq demişdir ki, ulu öndər Heydər Əliyevin ona isti münasibətini bu gün ölkə başçısı İlham Əliyevin Ağstafaya və ağstafalılara göstərdiyi münasibətə bənzədir. Bu gün Ağstafa əsl inkişaf dövrünü yaşayır.

95 yaşlı nənə rayon rəhbərinə onu bu əziz gündə yad etdiyi üçün dərin minnətdarlığını bildirmişdir.

Hamlet Qasımov,
"Xalq qəzeti"nin bölgə müxbiri