İcra Hakimiyyətinin başçısı cənab Vilyam Hacıyev, idarə, müəssisə rəhbərlərinin birgə iştirakı ilə İmişli rayonunun Bəhrəmtəpə qəsəbəsində səyyar qəbul keçirilmişdir. Qəbulda müxtəlif məzmunda vətəndaşlar tərəfindən qaldırılan məsələlər dinlənilmiş, qeydiyyata alınmış və həlli istiqamətində aidiyyatı üzrə konkret tapşırıqlar verilmişdir.

Görüşdə çıxış edən İmişli Rayon İcra Hakimiyyətinin başçısı Vilyam Hacıyev Prezident İlham Əliyevin regionların inkişafına göstərdiyi qayğıdan danışıb. Bildirib ki, rayonda kəndlərin qazlaşdırılması davam etdiriləcək. Tədbirdə  çıxış edən sakinlər də öz növbəsində onlara göstərilən qayğıya görə dövlət başçısına minnətdarlıq ediblər.

Səməd HÜSEYNOĞLU,
“Xalq qəzeti”