Avropa İttifaqının Cənubi Qafqaz üzrə xüsusi nümayəndəsi Piter Semnebi fevralın 25-də Bakıya gələcəkdir. O, səfər çərçivəsində Azərbaycanın rəsmi şəxsləri ilə bir sıra görüşlər keçirəcək, həmin görüşlərdə Azərbaycanda və Cənubi Qafqaz regionunda vəziyyət müzakirə ediləcəkdir.
Bu, P.Semnebinin Aİ-nin xüsusi nümayəndəsi kimi Azərbaycana sonuncu rəsmi səfəri olacaqdır. P.Semnebinin xüsusi nümayəndə mandatının müddəti fevralın 28-də başa çatır. Onun səlahiyyət müddətinin uzadılması, yaxud yeni vəzifəyə təyin edilməsi məsələsi hələlik həll olunmamışdır.
Xatırladaq ki, keçən ilin yayında Aİ-nin xarici işlər və təhlükəsizlik siyasəti üzrə ali nümayəndəsi Ketrin Eşton Avropa İttifaqının Moldovada, Cənubi Qafqazda və Yaxın Şərqdə xüsusi nümayəndələri vəzifələrinin ləğv edilməsi niyyəti barədə bəyanat vermişdi. Hazırda Aİ-nin 11 xüsusi nümayəndəsi vardır.

AzərTAc