Ötən il Ağdaş rayonunda ənənəvi sahələrdən olan çəltikçiliyin əkin sahəsi genişləndirilərək  2 min 454 hektara çatdırılmış, 8 min 245 ton düyü əldə olunmuş, məhsuldarlıq 33,6 sentner olmuşdur.

Ağdaş Rayon İcra Hakimiyyətindən aldığımız məlumatda bildirilir ki, çəltikçiliyin belə sürətli inkişafı elmi əsaslara söykənən yerli toxumçuluq təsərrüfatlarının yaradılmasını və bu sahəyə xarici investorların cəlb edilməsini zəruri etmişdir. Artıq bu məqsədlə mühüm işlər görülmüş, yerli sahibkarlarla birlikdə İqtisadiyyat Nazirliyinin xətti ilə Cənubi Koreya və Çin Xalq Demokratik Respublikasından olan investorlarla böyük istehsal gücü olan çəltik emalı zavodunun qurulması istiqamətində danışıqlar aparılmışdır.

Hazırladı:
T.AYDINOĞLU,
"Xalq qəzeti"