Ötən şənbə və bazar günləri Samuxda  rayon icra hakimiyyətinin təşəbbüsü və təşkilatçılığı ilə bayram yarmarkası açılmışdır. Yarmarkaya böyük maraq olduğundan ora gələnlərin sayı da əvvəlki illərdən çox idi. Satışa hər növ kənd təsərrüfatı və ərzaq məhsulları çıxarılmışdı.

Rayon icra hakimiyyətinin başçısı Alı Qocayev yarmarkaya gələrək məhsulların çeşidi, keyfiyyəti və qiymətləri ilə maraqlanmışdır. Rayon rəhbərinə məlumat verilmişdir ki, qiymətlər bazar qiymətlərindən 15-20 faiz ucuzdur və elə ona görə də alış-veriş etmək üçün yarmarkaya xeyli alıçı gəlib.

Alı Qocayev sakinlərlə də görüşüb söhbət etmişdir. Sakinlər belə bir yarmarkanın təşkil edilməsinə görə ölkə Prezidentinə öz dərin minnətdarlıqlarını bildirmişlər.

İcra hakimiyyətinin başçısı öz növbəsində sakinlərə məlumat vermişdir ki, Novruz bayramı ərəfəsində belə yarmarkalar müntəzəm keçiriləcək və bu işə ciddi nəzarət var.

 Hamlet QASIMOV,
"Xalq qəzeti"nin bölgə müxbiri