İtaliya və İspaniyanın Xarici İşlər nazirliklərinin saytlarında ölkə vətəndaşlarının Azərbaycanın işğal olunmuş Dağlıq Qarabağ regionuna və ətrafdakı yeddi rayona səfər etməkdən çəkinməsinə dair çağırış yerləşdirilmişdir.
Hər iki ölkənin xarici siyasət idarələri öz vətəndaşlarına diqqətin arzuolunmaz səfərlərin nəticələrinə yetirilməsini məsləhət görmüşlər.
Xatırladaq ki, bundan əvvəl Ermənistan tərəfindən işğal olunmuş Azərbaycanın Dağlıq Qarabağ regionuna arzuolunmaz səfərlərdən çəkinmək barədə Polşa, Fransa, Almaniya və Böyük Britaniyanın Xarici İşlər nazirlikləri öz ölkələrinin vətəndaşlarına xəbərdarlıq etmişlər.