Fevralın 9-da Azərbaycanın xarici işlər naziri Elmar Məmmədyarov ABŞ-ın Azərbaycanda yeni təyin olunmuş səfiri Mətyu Brayzə ilə görüşmüşdür.
Xarici İşlər Nazirliyinin Mətbuat Xidmətindən bildirilmişdir ki, etimadnamənin surətini nazirə təqdim edən M.Brayzə ölkəmizdə səfir təyin olunmasından məmnunluğunu ifadə etmişdir. İki ölkə arasında bir sıra sahələrdə əməkdaşlığın inkişaf etdirilməsi üçün geniş potensialın olduğunu vurğulayan diplomat, eyni zamanda Azərbaycan-ABŞ əlaqələrinin genişləndirilməsi istiqamətində çalışacağını vurğulamışdır.
E.Məmmədyarov M.Brayzəni ölkəmizdə səfir təyin olunması münasibətilə təbrik etmiş, işlərində uğurlar arzulamışdır.