Ailə, Qadın və Uşaq Problemləri üzrə Dövlət Komitəsinin (AQUPDK) apardığı təhlilə əsasən ölkəmizdə ailənin inkişafı sahəsində müsbət nəticələr əldə olunmuşdur. Bununla əlaqədar nikahların artması və boşanmaların sayının azalması meyli xüsusi qeyd olunmalıdır. Rəsmi nikah nəticəsində doğulan uşaqların sayında da müsbət dinamika müşahidə olunur.
Bu barədə komitənin sədri Hicran Hüseynova AQUPDK-nın 5 illiyinə həsr olunmuş tədbirdə məlumat vermişdir. Hazırda bir sıra dövlət proqramları ailə problemlərinin həlli istiqamətində tədbirlərin həyata keçirilməsini nəzərdə tutur. Qarşıda duran ən mühüm vəzifələrdən biri də ailə institutunun hərtərəfli inkişafı və möhkəmləndirilməsi, ailənin cəmiyyətdə rolunun yüksəldilməsi və inkişaf etdirilməsidir.{nl}

AzərTAc