Fevralın 3-də Avropa Şurası Parlament Assambleyasının Monitorinq Komitəsinin Azərbaycan üzrə həmməruzəçiləri Pedro Aqramunt de Mora və Jozef Debono Qrex ölkəmizə səfərlərinin yekunları ilə bağlı mətbuat konfransı keçirmişlər.
Həmməruzəçilər üç günlük səfər müddətində Azərbaycan rəsmiləri, siyasi partiyaların təmsilçiləri, həmçinin Sumqayıtda yerli təşkilatların nümayəndələri ilə olduqca məhsuldar görüşlər keçirdiklərini bildirmişlər. Qeyd etmişlər ki, Azərbaycan AŞPA-ya üzv olarkən qurum qarşısında götürdüyü öhdəlikləri uğurla yerinə yetirir.
Pedro Aqramunt de Mora və Jozef Debono Qrex, həmçinin Azərbaycanın bəzi müxalifət partiyalarının qeyri-səmimiliyindən təəssüfləndiklərini bildirmişlər.
Azərbaycanda görülən işləri müsbət qiymətləndirən həmməruzəçilər obyektiv, qərəzsiz, demokratik məruzə hazırlayacaqlarını bildirmişlər.

AzərTAc