Avropa Şurası Parlament Assambleyasında (AŞPA) Ermənistan-Azərbaycan, Dağlıq Qarabağ münaqişəsi ilə əlaqədar yaradılmış alt komitənin fəaliyyəti bərpa olunmuşdur. AŞPA-nın aprel sessiyasından etibarən Alt Komitə fəal işə başlayacaqdır.
Bunu AŞPA-dakı Azərbaycan nümayəndə heyətinin rəhbəri, Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov demişdir.
S.Səmədov bildirmişdir ki, AŞPA-nın Dağlıq Qarabağ üzrə Alt Komitəsi 2005-ci ildə yaradılmış və cəmi 2 il fəaliyyət göstərmişdir. Qurumun sədri dünyasını dəyişəndən sonra ermənilər alt komitənin işinin bərpa olunmasının əleyhinə çıxırdılar. Lakin Azərbaycan nümayəndə heyətinin və digər demokratik qüvvələrin səyi nəticəsində AŞPA-nın qış sessiyasında komitənin fəaliyyəti bərpa olunmuşdur. Sessiya zamanı qurumun bürosunun, sədrinin və sədr müavinlərinin iclaslarında Dağlıq Qarabağ üzrə alt komitənin fəaliyyətinin bərpası müzakirə olunmuş, ispaniyalı deputat Jordi Ksukla i Kosta onun sədri təyin edilmişdir.

AzərTAc