Azərbaycan-Türkiyə hökumətlərarası birgə komissiyasının əsas məqsədi qardaş ölkələrimiz arasında iqtisadi əlaqələri genişləndirərək hədəflərə çatmaq və qarşıya çıxan problemləri müzakirə edərək həllinə nail olmaqdır.
Bu sözləri Baş nazirin müavini Abid Şərifov Azərbaycan-Türkiyə hökumətlərarası birgə komissiyasının VI iclasında demişdir. Bildirmişdir ki, bu gün Türkiyə ilə Azərbaycan arasında ticarət əlaqələri təxminən 2,5 milyard dollar ətrafındadır. Ancaq bizim hədəfimiz ticarət dövriyyəsini 5 milyard dollara çatdırmaqdır. Bu hədəfə nail olmaq üçün ölkələrimizin böyük imkanları vardır.