"İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" Azərbaycan Respublikasının Qanunu ilə bağlı bütün normativ hüquqi aktlar qəbul edilmiş və qanunun tətbiqinə başlanmışdır.
Maliyyə Nazirliyi Dövlət Sığorta Nəzarəti Xidmətindən verilən məlumata görə, bu Qanuna əsasən icbari sığorta müqaviləsi yalnız həyat sığortası sahəsi üzrə sığorta fəaliyyətinin həyata keçirilməsinə hüquq verən lisenziyaya malik olan sığortaçılar (həyat sığortası şirkətləri) tərəfindən bağlanıla bilər.
Hazırda Azərbaycan Respublikasında həyat sığortası sahəsində fəaliyyət göstərmək üçün müvafiq lisenziyaya yalnız "Atəşgah Həyat" Sığorta Şirkəti ASC və "Qala Həyat" Sığorta Şirkəti ASC malikdirlər.