{nl}

Son günlər ölkəmizin, eləcə də bir sıra xarici dövlətlərin kütləvi informasiya vasitələrində casusluqda şübhəli bilinən 34 və yaxud 55 yaşlı erməni mənşəli ABŞ vətəndaşı Xoll (Hal, Xal) Talayan (Falayan, Falalan) adlı şəxsin yanvarın 7-də İran İslam Respublikasının Norduz nəzarət-buraxılış məntəqəsində, yaxud Culfa şəhərində (İran) saxlanılması barədə ziddiyyətli və qarışıq məlumatlar yayılmışdır. Məlumatların bəziləri həmin şəxsin Azərbaycan ərazisindən istifadə etməklə İrana keçməsi və ya Azərbaycan-İran sərhədində saxlanılması kimi yanlış təsəvvür yarada bilər.
Bununla əlaqədar, Dövlət Sərhəd Xidməti bildirir ki, adı müxtəlif cür qeyd olunmuş həmin şəxsin Azərbaycana gəlməsi və ya getməsi faktı qeydə alınmamışdır.