{nl}

Müdafiə Sənayesi Nazirliyinin Milli Aerokosmik Agentliyi (MAKA) tərəfindən Azərbaycanda müxtəlif kosmik avadanlıqların istehsalına dair işlər aparılır.Bu barədə Rabitə və İnformasiya Texnologiyaları Nazirliyinin mətbuat xidməti məlumat yaymışdır.
Artıq bu günədək MAKA tərəfindən hazırlanmış mülki təyinatlı qurğularla yanaşı, daxili rabitə vasitələri üçün bloklar, müxtəlif tipli radiostansiyalar üçün çeviricilər, yay mövsümü üçün şlemofonlar və təlim-məşq kompleksləri Silahlı Qüvvələrdə tətbiq üçün mənimsəmə mərhələsindədir.
Hazırda MAKA tərəfindən ən müasir müşahidə-izləmə şəbəkəsinin və xəbərdarlıq sisteminin yaradılması istiqamətində addımlar atılır. Agentlikdə aparılan kosmik tədqiqatlar nəticəsində ekstremal vəziyyətlərdə operativ qərarların qəbul edilməsinin ekspert sisteminin işlənilməsi, işğal altındakı ərazilərin və sərhəd zonalarının rəqəmli elektron xəritələrinin yaradılması, eləcə də tipik strateji obyektlərin və optimal dislokasiya marşrutlarının tərtib olunması sahələrində yeni nəticələr əldə olunub.

M.MÜKƏRRƏMOĞLU, "Xalq qəzeti"