{nl}

Yanvarın 7-də Azərbaycan Respublikası Dövlət Neft Şirkəti (ARDNŞ) Şurasının iclası keçirilmişdir.
ARDNŞ-in mətbuat xidmətindən bildirmişlər ki, iclasda ötən ildə şirkətin fəaliyyətinin yekunları və cari ildə qarşıda duran vəzifələr müzakirə edilmişdir. İclasda ARDNŞ-in prezidenti Rövnəq Abdullayev qurumun inkişafında yeni mərhələnin başlandığını və cari il üçün fəaliyyət prioritetlərinin müəyyən olunduğunu qeyd etmişdir.
Şuranın qərarı ilə ARDNŞ-in neft və qaz ehtiyatlarının artırılması, qazma həcminin genişləndirilməsi, "Günəşli" və "Neft daşları" yataqlarında yeni özüllərin tikilib istismara verilməsi, yeraltı qaz anbarlarında və kompressor stansiyalarında yenidənqurma işlərinin başa çatdırılması, neft, qaz emalı və neft kimyası kompleksində məhsul çıxımının artırılması, istehsal olunan benzinlərin keyfiyyətinin yaxşılaşdırılması, bu kompleksin qarşıdakı 6 və 8 il müddətində səmərəli işləməsi üçün lazım gələn digər layihələrin icra edilməsi, habelə şirkətin beynəlxalq reytinq göstəricilərinin daha da yüksəldilməsi və s. məsələlər cari ildə qarşıda duran başlıca vəzifələr kimi təsdiq olunmuşdur.
AzərTAc