Avropa Komissiyasının sədri Joze Manuel Barrozu "Nabukko" qaz kəməri layihəsinin uğurla həyata keçiriləcəyinə inandığını bəyan etmişdir.
AzərTAc xarici KİV-lərə istinadla xəbər verir ki, yanvarın 5-də mətbuat konfransı keçirən Avropa Komissiyasının sədri "Nabukko" kəmərini mavi yanacaqla təchiz edəcək Azərbaycan və Türkmənistana gələn həftə səfər edəcəyini bildirmişdir.
J.M.Barrozu səfər çərçivəsində Azərbaycan və Türkmənistan rəsmiləri ilə bu layihənin həyata keçirilməsi ətrafında müzakirələr aparacağını demişdir.
Avropa Komissiyası sədrinin Azərbaycana səfəri yanvarın 13-14-də baş tutacaqdır.