Pakistanın "The Nation" qəzeti Azərbaycan haqqında "Azərbaycan və qlobal çağırışlar" başlıqlı məqalə nəşr etmişdir. Məqalədə ölkəmiz barəsində geniş məlumat verilir, onun sürətlə inkişaf etdiyi xüsusi qeyd olunur.
Bildirilir ki, Cənubi Qafqaz regionunun ən inkişaf etmiş ölkəsi olan Azərbaycanın Ermənistanla müharibə vəziyyətində olmasına baxmayaraq, ölkə iqtsadiyyatı dinamik şəkildə inkişaf edir.
Qəzet yazır ki, Azərbaycan zəngin enerji resurslarına malik olmaqla yanaşı, Avropa və Asiyanın qovuşuğunda yerləşdiyinə görə geostrateji əhəmiyyət kəsb edir.
Bundan başqa, məqalədə deyilir ki, Azərbaycanın paytaxtında mütəmadi olaraq beynəlxalq əhəmiyyətli tədbirlər keçirilir. Müəllif, xüsusi olaraq, bu ilin oktyabrında Bakıda keçirilmiş, dünyanın 55 ölkəsindən 60-dan çox alimin qatıldığı beynəlxalq münasibətlərə həsr olunmuş simpoziumu qeyd edərək, tədbirin əhəmiyyətindən danışır. Həmçinin simpoziumun sonunda qəbul olunmuş Bakı Bəyannaməsinin beynəlxalq münasibətlərə töhfə verəcəyini bildirir.{nl}