Prezident İlham Əliyevin məhkəmə fəaliyyətinin təkmilləşdirilməsi üzrə tapşırıqlarının icrası çərçivəsində hakim vəzifəsinə namizədlərin tam şəffaf, müasir beynəlxalq tələblər səviyyəsində seçilməsi qaydası müəyyən olunmuşdur.
Hakimlərin Seçki Komitəsindən bildirmişlər ki, yeni prosedurlar əsasında son 3 ildə 2 min 200 namizəd sırasından 235 nəfər, o cümlədən cari ildə 78 yüksək hazırlıqlı hüquqşünas seçilərək nüfuzlu beynəlxalq ekspertlərin iştirakı ilə uzunmüddətli təlimlər, məhkəmələrdə, habelə xarici dövlətlərdə təcrübə keçdikdən sonra dövlətimizin başçısı tərəfindən hakim vəzifələrinə təyin edilmişdir.
Hakimlərin Seçki Komitəsinin iclasında mövcud vakansiya və hakim kadrlarına ehtiyaclarla bağlı məsələ müzakirə edilmiş və hakimliyə namizədlərin sənədlərinin növbəti qəbulunun başlanılması qərara alınmışdır.
Hakimliyə namizədlərin sənədləri 2010-cu il dekabrın 21-dən Hakimlərin Seçki Komitəsi tərəfindən qəbul ediləcəkdir (ünvan: Bakı şəhəri, Z.Xəlilov küçəsi, 540-cı məhəllə, Hakimlərin Seçki Komitəsinin inzibati binası).
İmtahanların keçirilməsi tarixi, yeri, qaydası və digər məsələlər barədə əlavə məlumat veriləcəkdir.
Əlaqə telefonu: 510-22-97; 510-21-62 (www.jlc.gov.az).{nl}