Fransanın Strasburq şəhərində Avropa İttifaqı və Avropa Şurasının (AŞ) birgə layihəsi çərçivəsində, üzv ölkələrdə fəaliyyət göstərən Milli İnsan Hüquqları İnstitutları əlaqələndiricilərinin növbəti iclası olmuşdur.
İclasda Azərbaycan Respublikasının İnsan Hüquqları üzrə Müvəkkili Aparatının əməkdaşı Zaur Vəliməmmədli iştirak etmişdir.
Ombudsman Aparatından bildirmişlər ki, tədbirdə AŞ ilə Milli İnsan Hüquqları institutları arasında əməkdaşlıq və əlaqələrin perspektivləri müzakirə edilmişdir.
Z.Vəliməmmədli iclasda Azərbaycan ombudsmanının ölkədə AŞ ilə birgə treninq-seminarların təşkil edilməsinə dair təkliflərini səsləndirmişdir. Ombudsmanın əhalinin digər kateqoriyalarının hüquqları ilə yanaşı, qaçqın və məcburi köçkünlərin hüquqlarının müdafiəsi və təmini istiqamətində fəaliyyəti diqqətə çatdırılmışdır.{nl}

AzərTAc