Dekabrın 17-də Milli Məclisin sədri Oqtay Əsədovun yanında Azərbaycanı ATƏT Parlament Assambleyasında təmsil edəcək deputatlarla - Milli Məclis sədrinin müavini, ATƏT PA-da nümayəndə heyətin rəhbəri Bahar Muradova, müavini Eldar İbrahimov, üzvləri Fəttah Heydərov, Rəbiyyət Aslanova, Azay Quliyev və Ağalar Vəliyevlə işgüzar görüş keçirilmişdir.
Milli Məclisin mətbuat xidmətindən bildirmişlər ki, görüşdə müstəqil Azərbaycanın nüfuzlu beynəlxalq təşkilatlarla, o cümlədən ATƏT PA ilə əlaqələrinin genişləndirilməsinin əhəmiyyəti vurğulanmış, gələcəkdə də bu sahənin diqqət mərkəzində saxlanılmasının vacibliyi qeyd edilmişdir.
Parlamentin sədri nümayəndə heyətinin üzvlərinə gələcək fəaliyyətlərində uğurlar arzulamış, öz tövsiyələrini vermişdir.