Litva 2011-ci ilin yanvarından etibarən ATƏT-ə sədrliyi çərçivəsində Azərbaycanla əməkdaşlığı inkişaf etdirmək niyyətindədir.
Bu məqsədlə gələn ilin birinci yarısında Litvanın birinci şəxslərinin Azərbaycana səfəri planlaşdırılır.
Bunu Litvanın Azərbaycandakı səfiri Kestutis Kudzmanas bildirmişdir.
Diplomat demişdir: "Söhbət Litva Prezidenti Dalya Qribauskaytenin, Baş nazir Andryus Kubilyusun və parlamentin sədri İrena Dyaqutenenin Azərbaycana rəsmi sərfərlərindən gedir".
Litva parlamentinin sədrinin səfəri fevralın 9-10-na nəzərdə tutulmuşdur.
Bundan əlavə, Litva xarici işlər naziri Audronyus Ajubalis yaxın aylarda ATƏT-in fəaliyyətdə olan həmsədri qismində Azərbaycana səfər edəcəkdir.
Səfərlər zamanı Azərbaycan və Litva arasında əməkdaşlıq məsələlərinin geniş spektri müzakirə ediləcəkdir.{nl}

AzərTAc