Dekabrın 17-18-də Budapeştdə Macarıstan Elmlər Akademiyasının təşkilati dəstəyi ilə bu ölkənin Avropa İttifaqında sədrliyi məsələsi və "Şərq tərəfdaşlığı" proqramının müzakirə olunacağı "Avropa İttifaqının "Şərq tərəfdaşlığı": təcrübələr, səylər və gözləntilər" mövzusunda konfrans keçiriləcəkdir.
Azərbaycan Respublikasının Prezidenti yanında Strateji Araşdırmalar Mərkəzindən (SAM) bildirmişlər ki, tədbirdə SAM-ın elmi işçisi Zaur Şiriyev "Azərbaycanın "Şərq tərəfdaşlığı" proqramındakı təcrübəsi və Macarıstanın Avropa İttifaqına sədrliyindən gözləntiləri" mövzusunda məruzə ilə çıxış edəcəkdir.
Konfransda, həmçinin Belarusun "Beynəlxalq Strateji Araşdırmalar Mərkəzi"nin direktoru Vladimir Ulaxoviç, Ukraynanın "Avropa və Avratlantik Mərkəzi"nin direktoru Oleksey Kolemiyets və digər ekspertlərin çıxışı gözlənilir.
Səfər çərçivəsində SAM-ın əməkdaşının Macarıstanın aparıcı "beyin mərkəzləri"ndə də görüşləri nəzərdə tutulur.
AzərTAc{nl}