Azərbaycan Respublikası Mərkəzi Seçki Komissiyanın sədri Məzahir Pənahov dekabrın 16-dan 20-dək Belarusun paytaxtı Minsk şəhərində səfərdə olacaqdır.
Mərkəzi Seçki Komissiyasının mətbuat xidmətindən bildirmişlər ki, səfərdən məqsəd dekabrın 19-da Belarusda keçiriləcək prezident seçkilərini müşahidə etməkdir.
Belarus Mərkəzi Seçki Komissiyası sədrinin dəvəti əsasında həyata keçiriləcək səfər çərçivəsində MSK-nın sədri Minsk şəhərində müşahidə missiyası ilə yanaşı, belaruslu həmkarı və digər rəsmi şəxslərlə görüşlər keçirəcəkdir.
M.Pənahovu səfər zamanı MSK katibliyi beynəlxalq əlaqələr şöbəsinin müdiri Rövzət Qasımov müşayiət edəcəkdir.
Mərkəzi Seçki Komissiyasının digər bir əməkdaşı da ATƏT-in Demokratik Təsisatlar və İnsan Hüquqları Bürosunun Qısamüddətli Müşahidə Missiyasının tərkibində Belarusda prezident seçkilərində müşahidəçilik missiyasını həyata keçirir.
AzərTAc