Qazaxıstanın Azərbaycandakı səfiri Serik Primbetov bu yaxınlarda Astanada keçirilən zirvə toplantısını şərh etmişdir.
O demişdir: "İlk dəfə ATƏT-in zirvə görüşü Avropa ilə Asiyanın qovuşuğunda yerləşən ölkədə - Qazaxıstanda keçirilmişdir. İstanbulda keçirilən sonuncu sammitdən sonra Qazaxıstan forumu keçirməyə nail olmuşdur".
Səfirin sözlərinə görə, Astana sammitində bir çox sənədlər bəzən çətinliklə qəbul edilmişdir və buna görə də Qazaxıstan böyük səy göstərməli olmuşdur.
Diplomat vurğulamışdır ki, Qazaxıstan müxtəlif beynəlxalq təşkilatlarda, o cümlədən ATƏT, MDB və digər qurumlarda daim Azərbaycanı dəstəkləmişdir. Zirvə görüşündə Azərbaycan və Ermənistan prezidentlərinin və həmsədr ölkələrin təmsilçilərinin birgə bəyanat qəbul etməsi Ermənistan-Azərbaycan, Dağlıq Qarabağ probleminin həlli istiqamətində atılan daha bir addımdır.
AzərTAc{nl}