Dekabrın 14-də Fövqəladə Hallar Nazirliyinin Xüsusi Riskli Xilasetmə Xidmətinin yeni bazası istifadəyə verilmişdir.
Açılış mərasimində fövqəladə hallar naziri, general-polkovnik Kəmaləddin Heydərov iştirak etmişdir.
AzərTAc xəbər verir ki, baza qərargah binası, alpinist və yanğın-taktiki hazırlığı, tibb hazırlığı, dalğıc hazırlığı sinifləri, yataqxana, yeməkxana, tibb məntəqəsi və texnika parkından ibarətdir.
Dalğıcların təlim-məşq prosesi çərçivəsində şərti olaraq suda batan avtomobilin çıxarılması və xəsarət alan sürücünün xilas edilməsi əməliyyatı nümayiş olunmuşdur. Məlumat verilmişdir ki, bazada xilasedicilərin xidmət etməsi üçün lazım olan bütün şərait yaradılmış, baza zəruri xilasetmə texnikası və avadanlıqla təmin olunmuşdur.{nl}