Avropa Komissiyası Azərbaycan ilə viza rejiminin sadələşdirilməsinə dair danışıqlara gələn il başlayacaqdır.
Bu sözləri Strasburqda Avropa Parlamentinin sessiyasında Avropa İttifaqının daxili işlər üzrə komissarı Sesiliya Malmstrem demişdir.
Komissar bildirmişdir ki, "Şərq tərəfdaşlığı" proqramına daxil olan ölkələrdən indiyədək yalnız Ukrayna və Moldova ilə viza rejiminin sadələşdirilməsinə dair sazişlər imzalanmışdır. Bundan əlavə, Gürcüstan ilə sazişin ratifikasiyası prosesi başa çatmaq üzrədir. Bu yaxınlarda Avropa Komissiyası Belarus ilə də viza rejiminin sadələşdirilməsinə dair danışıqlara başlamaq niyyətindədir.
Viza rejiminin sadələşdirilməsi viza rüsumlarının 60 avrodan 35 avroya endirilməsini, müəyyən kateqoriyadan olan vətəndaşlardan viza rüsumunun tutulmamasını, diplomatik pasportları olan şəxslər üçün vizaların ləğvini, həmçinin vizaların verilməsi və ya bundan imtinanın dəqiq vaxtının müəyyənləşdirilməsini nəzərdə tutur.
AzərTAc{nl}