Azərbaycanın qanunları əsasında formalaşmış parlamentinə alternativ qurumun yaradılmasına cəhd hüquq müstəvisindən kənar addım deməkdir. Belə bir addım atılarsa, ona hüquq müstəvisində qiymət veriləcəkdir. Bu sözləri Yeni Azərbaycan Partiyası (YAP) icra katibinin müavini, deputat Əli Əhmədov müxalifətin "Xalq parlamenti" yaratmaq ideyasına münasibət bildirərkən demişdir.
Ə. Əhmədov müxalifətin bu ideyasının da gerçəkləşəcəyinə şübhə ilə yanaşdığını bildirmiş və demişdir ki, müxalifətin xalq arasında dəstəyi olsaydı, seçkilərdə az da olsa uğur qazanardı.
Seçkidə heç bir uğur qazana bilməyən insanların alternativ məclis - parlament yaratmaq ideyası cəfəngiyatdır.