Naxçıvan Muxtar Respublikasının digər bölgələri kimi, Ordubad rayonunda da əlil və şəhid ailələrinin sosial problemlərinin həlli diqqət mərkəzində saxlanılır, onlar üçün yeni mənzillər tikilib istifadəyə verilir.
Dekabrın 6-da Naxçıvan Muxtar Respublikası Ali Məclisinin sədri Vasif Talıbov Ordubad rayonunda 1 əlilə və 1 şəhid ailəsinə yeni fərdi evlərin orderlərini təqdim etmişdir.
Əlil Rəşad Məmmədov rayonun Behrud, şəhid ailəsi Vüsal Möhsünlü isə Aşağı Əndəmic kəndlərində 2 otaqlı mənzillə təmin olunmuşlar.
Həmin gün Ordubad Rayon Əhalinin Sosial Müdafiəsi Mərkəzinə "NİVA-CHEVROLET" markalı avtomobil də verilmişdir.
Rayon ziyalıları ilə səmimi söhbət zamanı Naxçıvan Muxtar Respublikasının bütün bölgələrində, o cümlədən Ordubad rayonunda aparılan abadlıq, quruculuq tədbirlərindən söhbət açılmış, ziyalılar muxtar respublikada insanların rahat, firavan yaşayışı naminə həyata keçirilən tədbirlərə görə minnətdarlıqlarını bildirmişlər.{nl}