Dekabrın 6-da NATO-nun mənzil-qərargahında Azərbaycan ilə Şimali Atlantika Alyansı arasında Fərdi Tərəfdaşlıq Proqramı (FTP) üzrə ekspert görüşü keçirilmişdir.
Ölkəmizin NATO yanında nümayəndəliyindən bildirmişlər ki, görüşdə Azərbaycanın Alyans ilə əməkdaşlığa cəlb olunmuş dövlət qurumlarının nümayəndələrinin 2011-ci ildə iştirakı planlaşdırılan NATO-nun tədbirləri müzakirə edilmişdir. Gələn il NATO-nun 217 tədbirində Azərbaycanın dövlət qurumlarının nümayəndələrinin iştirakı gözlənilir. NATO Azərbaycanın FTP üzrə seçdiyi tədbirləri yüksək qiymətləndirmişdir.
Görüşdə Azərbaycanın Müdafiə Nazirliyinin və ölkəmizin NATO yanında nümayəndəliyinin təmsilçiləri, Alyans tərəfdən isə Beynəlxalq Katiblik, Beynəlxalq Hərbi Qərargah və Müttəfiqlərin Əməliyyat Komandanlığının nümayəndələri iştirak etmişlər.
AzərTAc{nl}