{nl}

Azərbaycan Kabel Operatorları Assosiasiyasının (AKOA) yaranması zamanın tələbidir. Bu qurum kabel operatorlarının fəaliyyətinin gücləndirilməsi və tənzimlənməsi məqsədilə yaradılmış və Milli Televiziya və Radio Şurası (MTRŞ) bu təşkilatla əməkdaşlıqda maraqlıdır. Bundan sonra şuranın kabel televiziyaları ilə işi daha da effektiv olacaqdır.
Bu barədə AzərTAc-a MTRŞ-nin sədri Nuşirəvan Məhərrəmli məlumat vermişdir.
Onun sözlərinə görə, bu gün Bakıda və Sumqayıtda kabel televiziyası infrastrukturunun inkişafı üzrə müvafiq işlər həyata keçirilmişdir. Gəncədə də bu istiqamətdə hazırlıq işləri aparılır. AKOA-nın yaradılması kabel televiziyası sahəsində qanunvericiliyin təkmilləşdirilməsi üzrə fəaliyyətimizə kömək edəcəkdir.