Türkiyə informasiya kanallarına istinadla bildirilir ki, bu sözləri Türkiyə Prezidenti Abdullah Gül ATƏT-in sammitində iştirak etmək üçün Astanaya getməzdən əvvəl Ankaranın Esenboğa hava limanında jurnalistlərin suallarını cavablandırarkən demişdir.
Jurnalistlərdən birinin "Wikileaks" internet saytında yayılmış materiallarda Azərbaycan və Türkiyə münasibətləri ilə bağlı bəzi fikir və mülahizələrin əks olunması barədə sualına münasibət bildirən Türkiyə Prezidenti bunların həqiqəti əks etdirmədiyini demişdir.
Abdullah Gül Azərbaycan ilə münasibətlərə diqqət çəkərək demişdir: "Türkiyə ilə Azərbaycan arasındakı dostluğa heç bir qüvvə təsir edə bilməz. Biz bir millətin iki dövlətiyik. Kənardan fərqli görünə, fərqli qiymətləndirilə bilər, amma işin mahiyyəti budur".{nl}